Екі жолақ, армандар мен жағымды ойларға толы болатын тоғыз ай бойы күту. Бірақ, бірнеше аптадан кейін таңертең нәжіс шықпайтын болды. Бұл уақытша ма, әлде алаңдауға тұрарлық құбылыс па?
Жүкті әйелдерде іш қату жиі кездеседі
Статистикаға сүйенсек, жүкті әйелдердің 40%-ы іш қатудан зардап шегеді.Жүктілік гормоны болып табылатын прогестерон деңгейінің жоғарылауы моториканы төмендетіп, нәжістің ішек арқылы өту уақытын ұзартуы мүмкін.
Тамақтану әдеттерінің өзгеруі, физикалық белсенділіктің төмендеуі, қосымша дәрумен кешендерін (темір, кальций) тұтыну іш қатудың пайда болуына ықпал етуі мүмкін.
Жүктіліктің кейінгі кезеңінде өсіп келе жатқан жатырдың тоқ ішекті механикалық қысуы ішектегі нәжістің қозғалуын қиындатуы мүмкін.
Болашақ ананың ыңғайсыздығынан бөлек, іш қату ұрықтың өсуі мен дамуына да әсер етуі мүмкін. Шамадан тыс күшену жағымсыз салдарға, тіпті түсік тастауға немесе мерзімінен бұрын босануға әкелуі мүмкін, ал босанғаннан кейінгі іш қату жараның жазылуына септігін тигізбейді.
Іш қатуды емдеу, әдетте, оның ауырлығы мен ұзақтығына байланысты.Ең алдымен, тамақтануды, өмір салтын қайта қарау, жүкті әйелдер үшін қауіпсіз жаттығулар қосу және қажет болған жағдайда, іш жүргізетін дәрілерді қосу қажет. Ана мен бала үшін мүмкін болатын салдарды ескере отырып, препаратты таңдауға мұқият қарау керек.
Лактулоза
Лактулоза – бұл қанға сіңбейтін осмостық іш жүргізетін дәрі, сондықтан ол ана мен ұрыққа зиян тигізбейді.
Жұмсақ әсер етеді, шаншуды тудырмайды. Лактулозаға негізделген препараттарды қажетінше қабылдауға болады, өйткені ол тәуелділік тудырмайды. Іш қату бүкіл жүктілік бойы созылса да, дәріні ұзақ уақыт, соның ішінде босанғаннан кейін және емізу кезінде де қолдана беруге болады.
Жүкті әйелдерге арналған дозалау ерекшеліктері жоқ, 45 мл-ге дейінгі дозадан бастап, содан соң нәжісті қалыпқа келтіргеннен кейін шамамен 1 ай бойы 15-30 мл қабылдауды жалғастырыңыз. Қажет болса, қабылдауды жалғастыруға болады.
